תנ"ך על הפרק
יחזקאל מ
בְּעֶשְׂרִ֣ים וְחָמֵ֣שׁ שָׁנָ֣ה לְ֠גָלוּתֵנוּ בְּרֹ֨אשׁ הַשָּׁנָ֜ה בֶּעָשׂ֣וֹר לַחֹ֗דֶשׁ בְּאַרְבַּ֤ע עֶשְׂרֵה֙ שָׁנָ֔ה אַחַ֕ר אֲשֶׁ֥ר הֻכְּתָ֖ה הָעִ֑יר בְּעֶ֣צֶם ׀ הַיּ֣וֹם הַזֶּ֗ה הָיְתָ֤ה עָלַי֙ יַד־יְהוָ֔ה וַיָּבֵ֥א אֹתִ֖י שָֽׁמָּה׃בְּמַרְא֣וֹת אֱלֹהִ֔ים הֱבִיאַ֖נִי אֶל־אֶ֣רֶץ יִשְׂרָאֵ֑ל וַיְנִיחֵ֗נִי אֶל־הַ֤ר גָּבֹ֙הַּ֙ מְאֹ֔ד וְעָלָ֥יו כְּמִבְנֵה־עִ֖יר מִנֶּֽגֶב׃וַיָּבֵ֨יא אוֹתִ֜י שָׁ֗מָּה וְהִנֵּה־אִישׁ֙ מַרְאֵ֙הוּ֙ כְּמַרְאֵ֣ה נְחֹ֔שֶׁת וּפְתִיל־פִּשְׁתִּ֥ים בְּיָד֖וֹ וּקְנֵ֣ה הַמִּדָּ֑ה וְה֥וּא עֹמֵ֖ד בַּשָּֽׁעַר׃וַיְדַבֵּ֨ר אֵלַ֜י הָאִ֗ישׁ בֶּן־אָדָ֡ם רְאֵ֣ה בְעֵינֶיךָ֩ וּבְאָזְנֶ֨יךָ שְּׁמָ֜ע וְשִׂ֣ים לִבְּךָ֗ לְכֹ֤ל אֲשֶׁר־אֲנִי֙ מַרְאֶ֣ה אוֹתָ֔ךְ כִּ֛י לְמַ֥עַן הַרְאוֹתְכָ֖ה הֻבָ֣אתָה הֵ֑נָּה הַגֵּ֛ד אֶת־כָּל־אֲשֶׁר־אַתָּ֥ה רֹאֶ֖ה לְבֵ֥ית יִשְׂרָאֵֽל׃וְהִנֵּ֥ה חוֹמָ֛ה מִח֥וּץ לַבַּ֖יִת סָבִ֣יב ׀ סָבִ֑יב וּבְיַ֨ד הָאִ֜ישׁ קְנֵ֣ה הַמִּדָּ֗ה שֵׁשׁ־אַמּ֤וֹת בָּֽאַמָּה֙ וָטֹ֔פַח וַיָּ֜מָד אֶת־רֹ֤חַב הַבִּנְיָן֙ קָנֶ֣ה אֶחָ֔ד וְקוֹמָ֖ה קָנֶ֥ה אֶחָֽד׃וַיָּב֗וֹא אֶל־שַׁ֙עַר֙ אֲשֶׁ֤ר פָּנָיו֙ דֶּ֣רֶךְ הַקָּדִ֔ימָה וַיַּ֖עַלבמעלותובְּמַֽעֲלוֹתָ֑יווַיָּ֣מָד ׀ אֶת־סַ֣ף הַשַּׁ֗עַר קָנֶ֤ה אֶחָד֙ רֹ֔חַב וְאֵת֙ סַ֣ף אֶחָ֔ד קָנֶ֥ה אֶחָ֖ד רֹֽחַב׃וְהַתָּ֗א קָנֶ֨ה אֶחָ֥ד אֹ֙רֶךְ֙ וְקָנֶ֤ה אֶחָד֙ רֹ֔חַב וּבֵ֥ין הַתָּאִ֖ים חָמֵ֣שׁ אַמּ֑וֹת וְסַ֣ף הַ֠שַּׁעַר מֵאֵ֨צֶל אוּלָ֥ם הַשַּׁ֛עַר מֵֽהַבַּ֖יִת קָנֶ֥ה אֶחָֽד׃וַיָּ֜מָד אֶת־אֻלָ֥ם הַשַּׁ֛עַר מֵהַבַּ֖יִת קָנֶ֥ה אֶחָֽד׃וַיָּ֜מָד אֶת־אֻלָ֤ם הַשַּׁ֙עַר֙ שְׁמֹנֶ֣ה אַמּ֔וֹתואילווְאֵילָ֖יושְׁתַּ֣יִם אַמּ֑וֹת וְאֻלָ֥ם הַשַּׁ֖עַר מֵהַבָּֽיִת׃וְתָאֵ֨י הַשַּׁ֜עַר דֶּ֣רֶךְ הַקָּדִ֗ים שְׁלֹשָׁ֤ה מִפֹּה֙ וּשְׁלֹשָׁ֣ה מִפֹּ֔ה מִדָּ֥ה אַחַ֖ת לִשְׁלָשְׁתָּ֑ם וּמִדָּ֥ה אַחַ֛ת לָאֵילִ֖ם מִפֹּ֥ה וּמִפּֽוֹ׃וַיָּ֛מָד אֶת־רֹ֥חַב פֶּֽתַח־הַשַּׁ֖עַר עֶ֣שֶׂר אַמּ֑וֹת אֹ֣רֶךְ הַשַּׁ֔עַר שְׁל֥וֹשׁ עֶשְׂרֵ֖ה אַמּֽוֹת׃וּגְב֞וּל לִפְנֵ֤י הַתָּאוֹת֙ אַמָּ֣ה אֶחָ֔ת וְאַמָּה־אַחַ֥ת גְּב֖וּל מִפֹּ֑ה וְהַתָּ֕א שֵׁשׁ־אַמּ֣וֹת מִפּ֔וֹ וְשֵׁ֥שׁ אַמּ֖וֹת מִפּֽוֹ׃וַיָּ֣מָד אֶת־הַשַּׁ֗עַר מִגַּ֤ג הַתָּא֙ לְגַגּ֔וֹ רֹ֕חַב עֶשְׂרִ֥ים וְחָמֵ֖שׁ אַמּ֑וֹת פֶּ֖תַח נֶ֥גֶד פָּֽתַח׃וַיַּ֥עַשׂ אֶת־אֵילִ֖ים שִׁשִּׁ֣ים אַמָּ֑ה וְאֶל־אֵיל֙ הֶֽחָצֵ֔ר הַשַּׁ֖עַר סָבִ֥יב ׀ סָבִֽיב׃וְעַ֗ל פְּנֵי֙ הַשַּׁ֣עַרהיאתוןהָֽאִית֔וֹןעַל־לִפְנֵ֕י אֻלָ֥ם הַשַּׁ֖עַר הַפְּנִימִ֑י חֲמִשִּׁ֖ים אַמָּֽה׃וְחַלֹּנ֣וֹת אֲטֻמ֣וֹת אֶֽל־הַתָּאִ֡ים וְאֶל֩ אֵלֵיהֵ֨מָה לִפְנִ֤ימָה לַשַּׁ֙עַר֙ סָבִ֣יב ׀ סָבִ֔יב וְכֵ֖ן לָאֵֽלַמּ֑וֹת וְחַלּוֹנ֞וֹת סָבִ֤יב ׀ סָבִיב֙ לִפְנִ֔ימָה וְאֶל־אַ֖יִל תִּמֹרִֽים׃וַיְבִיאֵ֗נִי אֶל־הֶֽחָצֵר֙ הַחִ֣יצוֹנָ֔ה וְהִנֵּ֤ה לְשָׁכוֹת֙ וְרִֽצְפָ֔ה עָשׂ֥וּי לֶחָצֵ֖ר סָבִ֣יב ׀ סָבִ֑יב שְׁלֹשִׁ֥ים לְשָׁכ֖וֹת אֶל־הָרִֽצְפָֽה׃וְהָרִֽצְפָה֙ אֶל־כֶּ֣תֶף הַשְּׁעָרִ֔ים לְעֻמַּ֖ת אֹ֣רֶךְ הַשְּׁעָרִ֑ים הָרִֽצְפָ֖ה הַתַּחְתּוֹנָֽה׃וַיָּ֣מָד רֹ֡חַב מִלִּפְנֵי֩ הַשַּׁ֨עַר הַתַּחְתּ֜וֹנָה לִפְנֵ֨י הֶחָצֵ֧ר הַפְּנִימִ֛י מִח֖וּץ מֵאָ֣ה אַמָּ֑ה הַקָּדִ֖ים וְהַצָּפֽוֹן׃וְהַשַּׁ֗עַר אֲשֶׁ֤ר פָּנָיו֙ דֶּ֣רֶךְ הַצָּפ֔וֹן לֶחָצֵ֖ר הַחִֽיצוֹנָ֑ה מָדַ֥ד אָרְכּ֖וֹ וְרָחְבּֽוֹ׃ותאווְתָאָ֗יושְׁלוֹשָׁ֤ה מִפּוֹ֙ וּשְׁלֹשָׁ֣ה מִפּ֔וֹואילווְאֵילָ֤יוואלמווְאֵֽלַמָּיו֙הָיָ֔ה כְּמִדַּ֖ת הַשַּׁ֣עַר הָרִאשׁ֑וֹן חֲמִשִּׁ֤ים אַמָּה֙ אָרְכּ֔וֹ וְרֹ֕חַב חָמֵ֥שׁ וְעֶשְׂרִ֖ים בָּאַמָּֽה׃וחלונווְחַלּוֹנָ֤יוואלמווְאֵֽלַמָּיו֙ותמרווְתִ֣מֹרָ֔יוכְּמִדַּ֣ת הַשַּׁ֔עַר אֲשֶׁ֥ר פָּנָ֖יו דֶּ֣רֶךְ הַקָּדִ֑ים וּבְמַעֲל֥וֹת שֶׁ֙בַע֙ יַֽעֲלוּ־ב֔וֹואילמווְאֵֽילַמָּ֖יולִפְנֵיהֶֽם׃וְשַׁ֙עַר֙ לֶחָצֵ֣ר הַפְּנִימִ֔י נֶ֣גֶד הַשַּׁ֔עַר לַצָּפ֖וֹן וְלַקָּדִ֑ים וַיָּ֧מָד מִשַּׁ֛עַר אֶל־שַׁ֖עַר מֵאָ֥ה אַמָּֽה׃וַיּוֹלִכֵ֙נִי֙ דֶּ֣רֶךְ הַדָּר֔וֹם וְהִנֵּה־שַׁ֖עַר דֶּ֣רֶךְ הַדָּר֑וֹם וּמָדַ֤דאילואֵילָיו֙ואילמווְאֵ֣ילַמָּ֔יוכַּמִּדּ֖וֹת הָאֵֽלֶּה׃וְחַלּוֹנִ֨ים ל֤וֹולאילמווּלְאֵֽילַמָּיו֙סָבִ֣יב ׀ סָבִ֔יב כְּהַחֲלֹּנ֖וֹת הָאֵ֑לֶּה חֲמִשִּׁ֤ים אַמָּה֙ אֹ֔רֶךְ וְרֹ֕חַב חָמֵ֥שׁ וְעֶשְׂרִ֖ים אַמָּֽה׃וּמַעֲל֤וֹת שִׁבְעָה֙עלותועֹֽלוֹתָ֔יוואלמווְאֵֽלַמָּ֖יולִפְנֵיהֶ֑ם וְתִמֹרִ֣ים ל֗וֹ אֶחָ֥ד מִפּ֛וֹ וְאֶחָ֥ד מִפּ֖וֹ אֶל־אילואֵילָֽיו׃וְשַׁ֛עַר לֶחָצֵ֥ר הַפְּנִימִ֖י דֶּ֣רֶךְ הַדָּר֑וֹם וַיָּ֨מָד מִשַּׁ֧עַר אֶל־הַשַּׁ֛עַר דֶּ֥רֶךְ הַדָּר֖וֹם מֵאָ֥ה אַמּֽוֹת׃וַיְבִיאֵ֛נִי אֶל־חָצֵ֥ר הַפְּנִימִ֖י בְּשַׁ֣עַר הַדָּר֑וֹם וַיָּ֙מָד֙ אֶת־הַשַּׁ֣עַר הַדָּר֔וֹם כַּמִּדּ֖וֹת הָאֵֽלֶּה׃ותאווְתָאָ֞יוואילווְאֵילָ֤יוואלמווְאֵֽלַמָּיו֙כַּמִּדּ֣וֹת הָאֵ֔לֶּה וְחַלּוֹנ֥וֹת ל֛וֹולאלמווּלְאֵלַמָּ֖יוסָבִ֣יב ׀ סָבִ֑יב חֲמִשִּׁ֤ים אַמָּה֙ אֹ֔רֶךְ וְרֹ֕חַב עֶשְׂרִ֥ים וְחָמֵ֖שׁ אַמּֽוֹת׃וְאֵֽלַמּ֖וֹת סָבִ֣יב ׀ סָבִ֑יב אֹ֗רֶךְ חָמֵ֤שׁ וְעֶשְׂרִים֙ אַמָּ֔ה וְרֹ֖חַב חָמֵ֥שׁ אַמּֽוֹת׃וְאֵלַמָּ֗ו אֶל־חָצֵר֙ הַחִ֣צוֹנָ֔ה וְתִמֹרִ֖ים אֶל־אילואֵילָ֑יווּמַעֲל֥וֹת שְׁמוֹנֶ֖המעלומַעֲלָֽיו׃וַיְבִיאֵ֛נִי אֶל־הֶחָצֵ֥ר הַפְּנִימִ֖י דֶּ֣רֶךְ הַקָּדִ֑ים וַיָּ֣מָד אֶת־הַשַּׁ֔עַר כַּמִּדּ֖וֹת הָאֵֽלֶּה׃ותאווְתָאָ֞יוואלווְאֵלָ֤יוואלמווְאֵֽלַמָּיו֙כַּמִּדּ֣וֹת הָאֵ֔לֶּה וְחַלּוֹנ֥וֹת ל֛וֹולאלמווּלְאֵלַמָּ֖יוסָבִ֣יב ׀ סָבִ֑יב אֹ֚רֶךְ חֲמִשִּׁ֣ים אַמָּ֔ה וְרֹ֕חַב חָמֵ֥שׁ וְעֶשְׂרִ֖ים אַמָּֽה׃ואלמווְאֵלַמָּ֗יולֶֽחָצֵר֙ הַחִ֣יצוֹנָ֔ה וְתִמֹרִ֥ים אֶל־אלואֵלָ֖יומִפּ֣וֹ וּמִפּ֑וֹ וּשְׁמֹנֶ֥ה מַעֲל֖וֹתמעלומַעֲלָֽיו׃וַיְבִיאֵ֖נִי אֶל־שַׁ֣עַר הַצָּפ֑וֹן וּמָדַ֖ד כַּמִּדּ֥וֹת הָאֵֽלֶּה׃תאותָּאָיו֙אלואֵלָ֣יוואלמווְאֵֽלַמָּ֔יווְחַלּוֹנ֥וֹת ל֖וֹ סָבִ֣יב ׀ סָבִ֑יב אֹ֚רֶךְ חֲמִשִּׁ֣ים אַמָּ֔ה וְרֹ֕חַב חָמֵ֥שׁ וְעֶשְׂרִ֖ים אַמָּֽה׃ואילווְאֵילָ֗יולֶֽחָצֵר֙ הַחִ֣יצוֹנָ֔ה וְתִמֹרִ֥ים אֶל־אילואֵילָ֖יומִפּ֣וֹ וּמִפּ֑וֹ וּשְׁמֹנֶ֥ה מַעֲל֖וֹתמעלומַעֲלָֽיו׃וְלִשְׁכָּ֣ה וּפִתְחָ֔הּ בְּאֵילִ֖ים הַשְּׁעָרִ֑ים שָׁ֖ם יָדִ֥יחוּ אֶת־הָעֹלָֽה׃וּבְאֻלָ֣ם הַשַּׁ֗עַר שְׁנַ֤יִם שֻׁלְחָנוֹת֙ מִפּ֔וֹ וּשְׁנַ֥יִם שֻׁלְחָנ֖וֹת מִפֹּ֑ה לִשְׁח֤וֹט אֲלֵיהֶם֙ הָעוֹלָ֔ה וְהַחַטָּ֖את וְהָאָשָֽׁם׃וְאֶל־הַכָּתֵ֣ף מִח֗וּצָה לָעוֹלֶה֙ לְפֶ֙תַח֙ הַשַּׁ֣עַר הַצָּפ֔וֹנָה שְׁנַ֖יִם שֻׁלְחָנ֑וֹת וְאֶל־הַכָּתֵ֣ף הָאַחֶ֗רֶת אֲשֶׁר֙ לְאֻלָ֣ם הַשַּׁ֔עַר שְׁנַ֖יִם שֻׁלְחָנֽוֹת׃אַרְבָּעָ֨ה שֻׁלְחָנ֜וֹת מִפֹּ֗ה וְאַרְבָּעָ֧ה שֻׁלְחָנ֛וֹת מִפֹּ֖ה לְכֶ֣תֶף הַשָּׁ֑עַר שְׁמוֹנָ֥ה שֻׁלְחָנ֖וֹת אֲלֵיהֶ֥ם יִשְׁחָֽטוּ׃וְאַרְבָּעָה֩ שֻׁלְחָנ֨וֹת לָעוֹלָ֜ה אַבְנֵ֣י גָזִ֗ית אֹרֶךְ֩ אַמָּ֨ה אַחַ֤ת וָחֵ֙צִי֙ וְרֹ֨חַב אַמָּ֤ה אַחַת֙ וָחֵ֔צִי וְגֹ֖בַהּ אַמָּ֣ה אֶחָ֑ת אֲלֵיהֶ֗ם וְיַנִּ֤יחוּ אֶת־הַכֵּלִים֙ אֲשֶׁ֨ר יִשְׁחֲט֧וּ אֶת־הָעוֹלָ֛ה בָּ֖ם וְהַזָּֽבַח׃וְהַֽשְׁפַתַּ֗יִם טֹ֧פַח אֶחָ֛ד מוּכָנִ֥ים בַּבַּ֖יִת סָבִ֣יב ׀ סָבִ֑יב וְאֶל־הַשֻּׁלְחָנ֖וֹת בְּשַׂ֥ר הַקָּרְבָֽן׃וּמִחוּצָה֩ לַשַּׁ֨עַר הַפְּנִימִ֜י לִֽשְׁכ֣וֹת שָׁרִ֗ים בֶּחָצֵ֤ר הַפְּנִימִי֙ אֲשֶׁ֗ר אֶל־כֶּ֙תֶף֙ שַׁ֣עַר הַצָּפ֔וֹן וּפְנֵיהֶ֖ם דֶּ֣רֶךְ הַדָּר֑וֹם אֶחָ֗ד אֶל־כֶּ֙תֶף֙ שַׁ֣עַר הַקָּדִ֔ים פְּנֵ֖י דֶּ֥רֶךְ הַצָּפֹֽן׃וַיְדַבֵּ֖ר אֵלָ֑י זֹ֣ה הַלִּשְׁכָּ֗ה אֲשֶׁ֤ר פָּנֶ֙יהָ֙ דֶּ֣רֶךְ הַדָּר֔וֹם לַכֹּ֣הֲנִ֔ים שֹׁמְרֵ֖י מִשְׁמֶ֥רֶת הַבָּֽיִת׃וְהַלִּשְׁכָּ֗ה אֲשֶׁ֤ר פָּנֶ֙יהָ֙ דֶּ֣רֶךְ הַצָּפ֔וֹן לַכֹּ֣הֲנִ֔ים שֹׁמְרֵ֖י מִשְׁמֶ֣רֶת הַמִּזְבֵּ֑חַ הֵ֣מָּה בְנֵֽי־צָד֗וֹק הַקְּרֵבִ֧ים מִבְּנֵֽי־לֵוִ֛י אֶל־יְהוָ֖ה לְשָׁרְתֽוֹ׃וַיָּ֨מָד אֶת־הֶחָצֵ֜ר אֹ֣רֶךְ ׀ מֵאָ֣ה אַמָּ֗ה וְרֹ֛חַב מֵאָ֥ה אַמָּ֖ה מְרֻבָּ֑עַת וְהַמִּזְבֵּ֖חַ לִפְנֵ֥י הַבָּֽיִת׃וַיְבִאֵנִי֮ אֶל־אֻלָ֣ם הַבַּיִת֒ וַיָּ֙מָד֙ אֵ֣ל אֻלָ֔ם חָמֵ֤שׁ אַמּוֹת֙ מִפֹּ֔ה וְחָמֵ֥שׁ אַמּ֖וֹת מִפֹּ֑ה וְרֹ֣חַב הַשַּׁ֔עַר שָׁלֹ֤שׁ אַמּוֹת֙ מִפּ֔וֹ וְשָׁלֹ֥שׁ אַמּ֖וֹת מִפּֽוֹ׃אֹ֣רֶךְ הָאֻלָ֞ם עֶשְׂרִ֣ים אַמָּ֗ה וְרֹ֙חַב֙ עַשְׁתֵּ֣י עֶשְׂרֵ֣ה אַמָּ֔ה וּבַֽמַּעֲל֔וֹת אֲשֶׁ֥ר יַעֲל֖וּ אֵלָ֑יו וְעַמֻּדִים֙ אֶל־הָ֣אֵילִ֔ים אֶחָ֥ד מִפֹּ֖ה וְאֶחָ֥ד מִפֹּֽה׃
פירוש על הפרק
בְּעַשְׂרִין וַחֲמֵשׁ שְׁנִין לְגָלוּתָנָא בְּרֵישָׁא דְשַׁתָּא בְּעַשְׂרָא לְיַרְחָא בְּאַרְבַּע עַסְרֵי שְׁנִין בָּתַר דְאִתְּרָעַת קַרְתָּא בִּכְרַן יוֹמָא הָדֵין שְׁרַת עָלַי רוּחַ נְבוּאָה מִן קֳדָם יְיָ וְאָעֵיל יָתִי לְתַמָן:בְּרוּחַ נְבוּאָה דִשְׁרַת עֲלֵי מִן קֳדָם אָעֵלַנִי לְאַרְעָא דְיִשְׂרָאֵל וְאַשְׁרַיַנִי עַל טוּר רָם לַחֲדָא וַעֲלוֹהִי כְּבִנְיָן קַרְתָּא מִדָרוֹמָא:וְאָעֵיל יָתִי לְתַמָן וְהָא גַבְרָא חֶזְוֵיהּ כַּחֲזוּ נְחָשָׁא וְחוּט דְכִיתְנָא בִּידֵיהּ וּקְנֵי מְשַׁחְתָּא וְהָא קָאֵים בְּתַרְעָא:וּמַלֵיל עִמִי גַבְרָא בַּר אָדָם חֲזֵי בְעֵינָךְ וּבְאוּדְנָךְ שְׁמַע וְשַׁוֵי לִבָּךְ לְכָל דִי אֲנָא מַחֲזֵי יָתָךְ אֲרֵי בְּדִיל לְאַחְזָיוּתָךְ אִתּוֹתַבְתָא הַלִכָא חַוֵי יַת כָּל דְאַתְּ חָזֵי לְבֵית יִשְׂרָאֵל:וְהָא שׁוּרָא מִבָּרָא לְבֵיתָא סְחוֹר סְחוֹר וּבְיַד גַבְרָא קְנֵי מְשַׁחְתָּא דְחַד מִנְהוֹן שִׁית אַמִין בְּאַמְתָא דְהִיא אַמָה וּפְשַׁךְ וּמְשַׁח יַת פּוּתְיָא דְבִנְיָנָא קַנְיָא חַד וְרוּמָא קַנְיָא חַד:וְעַל לְתַרְעָא דִפְתִיחַ לְאוֹרַח מַדִינְחָא וּסְלִיק בְּדַרְגוֹהִי וּמְשַׁח יַת סִפָּא דְתַרְעָא קַנְיָא חַד פוּתְיָא וְיַת סִפָּא חַד קַנְיָא חַד פּוּתְיָא:וּתְוָא קַנְיָא חַד אוּרְכָּא וְקַנְיָא חַד פּוּתְיָא וּבֵין תְּוַיָא כָּתְלָא חֲמֵשׁ אַמִין וְסִפָּא דְתַרְעָא מִקֳבֵיל אוּלַמָא דְתַרְעָא מִלְגָיו קַנְיָא חָד:וּמְשַׁח יַת אוּלַמָא דְתַרְעָא מִלְגָיו קַנְיָא חָד:וּמְשַׁח יֵת אוּלַמָא דְתַרְעָא תַּמְנֵי אַמִין וְאֵלוֹהִי תַּרְתֵּין אַמִין וְאוּלָמָא דְתַרְעָא מִלְגָיו:וְתָוֵי תַרְעָא בְּאוֹרַח מַדִינְחָא תְּלָתָא מִכָּא וּתְלָתָא מִכָּא מְשַׁחְתָּא חֲדָא לִתְלָתֵיהוֹן וּמְשַׁחְתָּא חֲדָא לְאֵילַיָא מִכָּא וּמִכָּא:וּמְשַׁח יַת פּוּתְיָא דְמַעֲלָנָא דְתַרְעָא עֲסַר אַמִין אוּרְכָּא דְתַרְעָא תְּלַת עַסְרֵי אַמִין:וּתְחוּמָא דִי קֳדָם תְּוַיָא אַמְתָא חֲדָא וְאַמְתָא חֲדָא תְחוּמָא מִכָּא וּתְוָא שִׁית אַמִין מִכָּא וְשִׁית אַמִין מִכָּא:וּמְשַׁח יַת תַּרְעָא מֵאִיגַר תְּוָא לְאִיגְרֵיהּ פּוּתְיָא עַסְרִין וַחֲמֵשׁ אַמִין תְּרַע לֶקֳבֵיל תְּרַע:וַעֲבַד יַת אֵלַיָא שִׁתִּין אַמִין רוּמְהוֹן וְעַל אֵילָא דְדַרְתָּא דְתַרְעָא סְחוֹר סְחוֹר:וְקָדָם תַּרְעָא מְצִיעָאָה דִי קֳדָם אוּלַמָא דְתַרְעָא גַוָאָה חַמְשִׁין אַמִין:וְכַיִין סְתִּימָן לְתָוַיָא וּלְאֵילֵיהֶן מִגָיו לְתַרְעָא סְחוֹר סְחוֹר וְכֵן לְאוּלַמַיָא וְכַוִין סְחוֹר סְחוֹר לְגָיו וְעַל אֵילָא כּוֹתַרְתָּא:וְאָעֲלַנִי לְדַרְתָּא בָּרַיְתָא וְהָא לִשְׁכָּן וְרִצְפְּתָא עֲבֵיד לְדַרְתָּא סְחוֹר סְחוֹר תְּלָתִין לִשְׁכָּן עַל רִצְפְּתָא:וְרִצְפְּתָא לְעֶבְרָא דְתַרְעַיָא לָקֳבֵיל אוּדְכָּא דְתַּרְעַיָא רִצְפָּתָא אַרְעִיתָא:וּמְשַׁח פּוּתְיָא מִן קֳדָם תַּרְעָא מִצִיעֲאָה דִקְדָם דַרְתָּא גַוְיָתָא מִבָּרָא מְאָה אַמִין לְמַדִינְחָא וּלְצִפּוּנָא:וְתַרְעָא דְפְתִיחַ לְאוֹרַח צִפּוּנָא לְדַרְתָּא בָּרַיְתָא מְשַׁח אוּרְכֵּיהּ וּפוּתְיֵהּ:וְתָווֹהִי תְלָתָא מִכָּא וּתְלָתָא מִכָּא וְאֵילוֹהִי וְאוּלַמוֹהִי הֲוָת כְּמִשְׁחַת תַּרְעָא קַדְמָאָה חַמְשִׁין אַמִין אוּרְכֵּיהּ וּפוּתְיָא עַסְרִין וַחֲמֵשׁ אַמִין:וְכַווֹהִי וְאוּלַמוֹהִי וְכוּתַרְתֵּיהּ כְּמִשְׁחַת תַּרְעָא דִפְתִיחַ לְאוֹרַח מַדִינְחָא וּבְדַרְגִין שַׁבְעָה סַלְקִין בֵּיהּ וְאוּלַמוֹהִי קֳדָמֵיהוֹן:וְתַרְעָא לְדַרְתָּא גַוַיְתָא לָקֳבֵיל תַּרְעָא דִפְתִיחַ לְצִפּוּנָא וּלְמַדִינְחָא וּמְשַׁח מִתְּרַע לִתְרַע מְאָה אַמִין:וְאוֹבִילֵנִי בְּאוֹרַח דָרוֹמָא וְהָא תַרְעָא חַד פְּתִיחַ לְאוֹרַח דָרוֹמָא וּמְשַׁח אֵילוֹהִי וְאוּלֵמוֹהִי כִּמְשַׁחְתָּא הָאִלֵין:וְכַוֵין לֵיהּ וּלְאוּלַמוֹהִי סְחוֹר סְחוֹר כְּכַוַיָא הָאִלֵין חַמְשִׁין אַמִין אוֹרְכָּא וּפוּתְיָא עַסְרִין וַחֲמֵשׁ אַמִין:וְדַרְגִין שִׁבְעָא דַרְגוֹהִי וְאוּלַמוֹהִי קֳדָמֵיהוֹן וְכוּתְרָן לֵיהּ חֲדָא מִכָּא וַחֲדָא מִכָּא עַל אֵילוֹהִי:וְתַרְעָא דְדַרְתָּא גַוִיתָא בְּאוֹרַח דְרוֹמָא וּמְשַׁח מִתְּרַע לִתְרַע בְּאוֹרַח דָרוֹמָא מְאָה אַמִין:וְאָעֵילְנִי לְדַרְתָּא גַוַיְתָא בִּתְרַע דָרוֹמָא וּמְשַׁח יַת תְּרַע דָרוֹמָא כְּמִשְׁחֲתָא הָאִלֵין:וְתָווֹהִי וְאֵילוֹהִי וְאוּלֵמוֹהִי כִּמְשַׁחְתָּא הָאִלֵין וְכַוִין לֵיהּ וּלְאוּלֵמוֹהִי סְחוֹר סְחוֹר חַמְשִׁין אַמִין אוּרְכָּא וּפוּתְיָא עַסְרִין וַחֲמֵשׁ אַמִין:וְאוּלַמַיָא סְחוֹר סְחוֹר אוּרְכָּא עַסְרִין וַחֲמֵשׁ אַמִין וּפוּתְיָא חֲמֵשׁ אַמִין:וְאוּלַמוֹהִי לְדַרְתָּא בַּרַיְתָא וְכוּתְרָן עַל אֵילוֹהִי וְדַרְגָן תְּמַנְיָא דַרְגוֹהִי:וְאָעֲלַנִי לְדַרְתָּא גַוַיְתָא בְּאוֹרַח מַדִינְחָא וּמְשַׁח יַת תַּרְעָא כְּמִשְׁחָתָא הָאִלֵין:וְתָווֹהִי וְאֵילוֹהִי וְאוּלֵמוֹהִי כְּמִשְׁחָתָא הָאִילֵן וְכַוִין לֵיהּ וּלְאוּלַמוֹהִי סְחוֹר סְחוֹר אוֹרְכָּא חַמְשִׁין אַמִין וּפוּתְיָא עַסְרִין וַחֲמֵשׁ אַמִין:וְאוּלַמוֹהִי לְדַרְתָּא בַּרַיְתָא וְכוֹתְרָן עַל אֵילוֹהִי מִכָּא וּמִכָּא וּתְמַנְיָא דַרְגִין דַרְגוֹהִי:וְאָעֲלַנִי לִתְרַע צִפּוּנָא וּמְשַׁח כְּמִשְׁחָתָא הָאִלֵין:תָּווֹהִי אֵילוֹהִי וְאוּלַמוֹהִי וְכַוִין לֵיהּ סְחוֹר סְחוֹר אוּרְכָּא חַמְשִׁין אַמִין וּפוּתְיָא עַסְרִין וַחֲמֵשׁ אַמִין:וְאֵילוֹהִי לְדַרְתָּא בַּרַיְתָא וְכוֹתְרִין עַל אֵילוֹהִי מִכָּא וּמִכָּא וּתְמַנְיָא דַרְגִין דַרְגוֹהִי:וְלִשְׁכָּתָא וּפִתְחָא בְּאֵילַיָא דְתַרְעַיָא תַּמָן מְתַקְנִין יַת עֲלָתָא:וּבְאוּלַמָא דְתַרְעָא תְּרֵין פָּתוֹרִין מִכָּא וּתְרֵין פָּתוֹרִין מִכָּא לְמִכַּס עֲלֵיהוֹן עֲלָתָא וְחַטָאתָא וְאַשָׁמָא:וּלְעֶבְרָא דְמִבָּרָא לְמַסְקָנָא בְּמַעֲלָנָא דִתְרַע צִפּוּנָא תְּרֵין פְּתוֹרִין וּלְעֶבְרָא אוֹחֲרָנָא דִלְאוּלַמָא דְתַרְעָא תְּרֵין פְּתוֹרִין:אַרְבְּעָא פְּתוֹרִין מִכָּא וְאַרְבָּעָה פְּתוֹרִין מִכָּא לְעֶבְרָא דְתַרְעָא תְמַנְיָא פָּתוֹרִין בֵּינֵיהוֹן נִכְסִין:וְאַרְבְּעָא פָּתוֹרִין לַעֲלָתָא בְּאַבְנֵי גָזִית אוּרְכָּא אַמְתָא חֲדָא וּפַלְגָא וּפוּתְיָא אַמְתָא חֲדָא וּפַלְגָא וְרוּמֵיהּ אַמְתָא חֲדָא עֲלֵיהוֹן וְיַחֲתוּן יַת מָנַיָא דְיִכְסוּן יַת עֲלָתָה בְּהוֹן וְנִכְסַת קוּדְשַׁיָא:וְעָנְקְלִין נַפְקִין פְּשַׁח חָד קְבִיעִין בְּעַמוּדֵי בֵּית מַטְבְּחַיָא מִגָיו לְאוּלַמַיָא סְחוֹר סְחוֹר וְעַל פָּתוֹרַיָא בְּשַׂר קוּרְבְּנַיָא:וּמִבָּרָא לְתַרְעָא גַוָאָה לִשְׁכַּת לֵיוָאֵי בְּדַרְתָּא גַוַיְתָא דִי לְעִבַּר תְּרַע צִפּוּנָא וְאַפֵּיהוֹן לְאוֹרַח דָרוֹמָא חַד לְעִיבַּר תְּרַע מַדִינְחָא אַפֵּי אוֹרַח צִפּוֹנָא:וּמַלֵיל עִמִי דָא לִשְׁכְּתָא דִפְתִיחָא לְאוֹרַח דָרוֹמָא לְכַהֲנַיָא נָטְרֵי מַטְרַת בֵּיתָא:וְלִשְׁכְּתָא דִפְתִיחַ לְאוֹרַח צִפּוּנָא לְכַהֲנַיָא נַטְרֵי מַטְרַת מַדְבְּחָא אִינוּן בְּנֵי צָדוֹק דְקָרְבִין מִבְּנֵי לֵוִי לְפוּלְחָנָא דַייָ לְשַׁמָשָׁא קֳדָמוֹהִי:וּמְשַׁח יַת דַרְתָּא אוּרְכָּא מְאָה אַמִין וּפוּתְיָא מְאָה אַמִין מְרֻבַּע וּמַדְבְּחָא דִי קֳדָם בֵּיתָא:וְאָעֲלַנִי לְאוּלַמָא דְבֵיתָא וּמְשַׁח אֵילָא דְאוּלַמָא חֲמֵשׁ אַמִין מִכָּא וַחֲמֵשׁ אַמִין מִכָּא וּפוּתְיָא דְתַרְעָא תְּלַת אַמִין מִכָּא וּתְלַת אַמִין מִכָּא:אוּרְכָּא דְאוּלַמָא עַסְרִין אַמִין וּבְדַרְגִין דְסַלְקִין לֵיהּ וְעַמוּדַיָא עַל אֵילַיָא חַד מִכָּא וְחַד מִכָּא:
תוכן עניינים
ניווט בפרקי התנ"ך
